Wiktionary:ಸಮುದಾಯ ಪುಟ

ಸಮುದಾಯ ಪುಟ

ಇದು ಕನ್ನಡ ವಿಕ್ಷನರಿಯ ಸಮುದಾಯ ಪುಟ. ವಿಕ್ಷನರಿಯಲ್ಲಿ ಪ್ರಸಕ್ತವಾಗಿ ಏನು ನಡೆಯುತ್ತಿದೆ ಮತ್ತು ಎಲ್ಲರೂ ಹೇಗೆ ಭಾಗವಹಿಸಬಹುದು ಎಂಬ ಮಾಹಿತಿ ಇಲ್ಲಿ ದೊರಕುತ್ತದೆ. ವಿಕ್ಷನರಿಗೆ ಹೊಸಬರೆ? : ಸಹಾಯ ಪುಟವನ್ನು ನೋಡಿ. ಸಮುದಾಯದ ಇತರ ಸದಸ್ಯರೊಂದಿಗೆ ಚರ್ಚೆ ಮಾಡಲು ಅರಳಿ ಕಟ್ಟೆಯನ್ನು ಉಪಯೋಗಿಸಿ. ವಿಕ್ಷನರಿಯ ನಿಯಂತ್ರಕರನ್ನು ಮತ್ತು ಇತರ ಸದಸ್ಯರನ್ನು ಸಂಪರ್ಕಿಸಲು ಈ ಪುಟವನ್ನು ನೋಡಿ. ನೇರವಾಗಿ ಕನ್ನಡದಲ್ಲಿ ಬರೆಯುವುದರ ಬಗ್ಗೆ ಸಹಾಯಕ್ಕಾಗಿ ಲಿಪ್ಯಂತರ ಸಹಾಯ ಪುಟವನ್ನು ನೋಡಿ.

ಯೋಜನೆಯ ಗುರಿ

ಕನ್ನಡ ವಿಕ್ಷನರಿಯ ಗುರಿ ಅಂತರ್ಜಾಲದಲ್ಲಿ ಅತ್ಯುತ್ತಮ ಕನ್ನಡ-ಕನ್ನಡ-ಇತರ ಭಾಷೆ ಶಬ್ದಕೋಶವನ್ನು ಕಟ್ಟುವುದೇ ಆಗಿದೆ. ಈ ಶಬ್ದಕೋಶಗಳು ಕನ್ನಡಿಗರ ಕನ್ನಡದ ಪದಸಂಪತ್ತನ್ನು ಹೆಚ್ಚಿಸುವಂತಿರಬೇಕೆಂಬುದು ನಮ್ಮ ಗುರಿ. ಈ ಶಬ್ದಕೋಶಕ್ಕೆ ಕನ್ನಡದ ಮತ್ತು ಇಂಗ್ಲೀಷಿನ ಯಾವುದೇ ಪದವನ್ನು ಬೇಕಾದರೂ (ಒಂದು ಹೊಸ ಪುಟ ಸೇರಿಸುವುದರ ಮೂಲಕ) ಸೇರಿಸಬಹುದು, ಆದರೆ ಅರ್ಥ ಮತ್ತು ವಿವರಣೆ ಮಾತ್ರ ಕನ್ನಡದಲ್ಲಿರಬೇಕು.

ಕನ್ನಡ-ಕನ್ನಡ-ಇಂಗ್ಲೀಷ್ ಶಬ್ದಕೋಶ

ನಿಮ್ಮ ಮನಸ್ಸಿನಲ್ಲಿರುವ ಪದವು ಕನ್ನಡದ ಯಾವುದೇ ಕಾಲದ್ದಾಗಿರಲಿ (ಎಂದರೆ ಹಳಗನ್ನಡದ್ದಾಗಿರಲಿ, ನಡುಗನ್ನಡದ್ದಾಗಿರಲಿ, ಹೊಸಗನ್ನಡದ್ದಾಗಿರಲಿ), ಒಳನುಡಿಯದಾಗಿರಲಿ, ಕರ್ನಾಟಕದ ಇಲ್ಲವೇ ಪ್ರಪಂಚದ ಯಾವುದೇ ಜಾಗದಲ್ಲಿ ಚಾಲ್ತಿಯಲ್ಲಿರಲಿ (ಇಲ್ಲವೇ ಅಲ್ಲಿಯ ಶೈಲಿಯಲ್ಲಿರಲಿ), ಅವುಗಳನ್ನು ಇಲ್ಲಿ ಖಂಡಿತವಾಗಿಯೂ ಸೇರಿಸಿ.

ಇಂಗ್ಲೀಷ್-ಕನ್ನಡ ಶಬ್ದಕೋಶ

ನೀವು ಸೂಚಿಸುವ ಕನ್ನಡದ ಪದಗಳು ಈಗಾಗಲೇ ಹೆಚ್ಚು ಚಾಲ್ತಿಯಲ್ಲಿಲ್ಲದಿದ್ದರೂ ತೊಂದರೆಯಿಲ್ಲ, ಹಾಕುವುದಕ್ಕೆ ಹಿಂದೇಟ್ಹಾಕಬೇಡಿ. ಒಂದಕ್ಕಿಂತ ಹೆಚ್ಚು ಕನ್ನಡದ ಪದಗಳನ್ನು ಒಂದು ಇಂಗ್ಲೀಷಿನ ಪದಕ್ಕೆ ಸೇರಿಸಬಹುದು ಈಗಾಗಲೇ ಸೇರಿಸಿರುವ ಪದಗಳನ್ನು ಹಾಗೆಯೇ ಬಿಟ್ಟು ನಿಮಗೆ ತಿಳಿದಿರುವ ಪದವನ್ನು ಸೇರಿಸಿ.